ଖୋର୍ଦ୍ଧା , 11/05/2026, ବିକ୍ରମ ଓଡ଼ିଶା ନିୟୁଜ: ଅପରେସନ ସିନ୍ଦୂର କାର୍ଯ୍ୟକ୍ରମ ପାଳିତତାରିଖ : ୦୯/୦୫/୨୦୨୬ମେ ୭, ୨୦୨୬ ରେ ଭାରତ “ଅପରେସନ ସିନ୍ଦୂର”ର ପ୍ରଥମ ବାର୍ଷିକୀ ପାଳନ କରିଥିଲା। ୨୦୨୫ ମସିହାରେ ପାକ ଅଧିକୃତ କାଶ୍ମୀରରେ ଥିବା ଆତଙ୍କବାଦୀ ଢାଞ୍ଚା ବିରୋଧରେ ଭାରତୀୟ ସେନାଙ୍କ ଦ୍ୱାରା କରାଯାଇଥିବା ସଫଳ ଏବଂ ସଠିକ୍ ତ୍ରି-ସେନା ଅଭିଯାନର ସ୍ମୃତିରେ ସାରା ଦେଶରେ ଏହି ଦିବସ ପାଳନ କରାଯାଇଥିଲା। ଏହି ଅବସରରେ ଭାରତୀୟ ସଶସ୍ତ୍ର ବାହିନୀଙ୍କ ସାହସ ଓ ବଳିଦାନକୁ ସ୍ମରଣ କରାଯାଇଥିଲା ଏବଂ ଶୂନ୍ୟ-ଆତଙ୍କବାଦ ନୀତି ପ୍ରତି ପୁନର୍ବାର ସଙ୍କଳ୍ପ ଗ୍ରହଣ କରାଯାଇଥିଲା।ଏହି ପରିପ୍ରେକ୍ଷୀରେ ଦୁର୍ଗା ଚରଣ ଚିଲିକା ଉଚ୍ଚ ମାଧ୍ୟମିକ ବିଦ୍ୟାଳୟ ର ଏନସିସି ୟୁନିଟ୍ ପକ୍ଷରୁ “ଅପରେସନ ସିନ୍ଦୂର କାର୍ଯ୍ୟକ୍ରମ” ଆୟୋଜିତ ହୋଇଥିଲା।କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ Dr. Madhusudan Senapati ଯୋଗଦେଇ ଦେଶସେବା, ଶୃଙ୍ଖଳା, ମାନବତା ଓ ଯୁବ ସମାଜର ଦାୟିତ୍ୱ ବିଷୟରେ ପ୍ରେରଣାଦାୟକ ଉଦ୍ବୋଧନ ଦେଇଥିଲେ।ବିଦ୍ୟାଳୟର ଅଧ୍ୟକ୍ଷ ମହେନ୍ଦ୍ର କୁମାର ପ୍ରଧାନ କାର୍ଯ୍ୟକ୍ରମର ଅଧ୍ୟକ୍ଷତା କରିଥିଲେ। ଅଧ୍ୟାପକ ଭବାନୀ ଶଙ୍କର ମିଶ୍ର ମଧ୍ୟ କ୍ୟାଡେଟମାନଙ୍କୁ ଦେଶପ୍ରେମ ଓ ଶୃଙ୍ଖଳାର ମହତ୍ତ୍ୱ ବିଷୟରେ ଉପଦେଶ ପ୍ରଦାନ କରିଥିଲେ।ଏହି କାର୍ଯ୍ୟକ୍ରମକୁ ଏନସିସି ସିଟିଓ ରଂଜନ କୁମାର ମହପାତ୍ର ସଫଳ ଭାବେ ପରିଚାଳନା କରିଥିଲେ। ମୋଟ ୨୫ ଜଣ କ୍ୟାଡେଟ୍ ଏଥିରେ ସକ୍ରିୟ ଭାବେ ଯୋଗଦେଇ ଦେଶପ୍ରେମ, ଏକତା ଓ ଶୃଙ୍ଖଳାର ପରିଚୟ ଦେଇଥିଲେ।ଶେଷରେ ଦେଶର ସୁରକ୍ଷା, ଜାତୀୟ ଏକତା ଓ ଆତଙ୍କବାଦ ବିରୋଧୀ ସଚେତନତାର ସନ୍ଦେଶ ସହ କାର୍ଯ୍ୟକ୍ରମ ସମାପ୍ତ |